A FUNCIÓN DE NUTRICIÓN

Estamos a ver estes días a función de nutrición e os aparatos que nela interveñen. Aquí vos deixamos información por si lle queredes dar un repaso na casa. 

O APARATO DIXESTIVO : Permítenos transformar os alimentos en substancias nutritivas que o corpo pode asimilar. O estómago é un dos seus órganos. O APARATO RESPIRATORIO: Permítenos respirar. Obtén osíxeno do aire e expulsa dióxido de carbono como refugallo. Os pulmóns son os órganos máis importantes. O APARATO CIRCULATORIO Transporta a través do sangue as substancias nutritivas e o osíxeno a todo o corpo. Tamén recolle as substancias de refugallo e as transporta ao aparato excretor. O órgano principal é o corazón , que bombea o sangue por todo o corpo. O APARATO EXCRETOR Expulsa as substancias de refugallo do interior do corpo cara ao exterior. Os riles son os órganos máis importantes. Na semana próxima seguiremos informando!