Aquí vos deixamos unha mostra en imaxes de cómo celebramos no cole tanto o Samaín coma o Magosto durante a semana pasada.
Engalanamos as nosas estancias con obxectos relativos a cada celebración, e por suposto, coas cabazas tan xeitosas que as familias decoráchedes nas vosas casas.
Ademais disto, visitamos a tenebrosa "Cova de Samaín" á que non lle faltou detalle , e onde escoitamos a historia do Lobishome , entre outras , relatada no noso caso pola mestra Elena.
O venres, a partires do primeiro recreo, disfrutamos dunha sesión de xogos populares, na que os pequenos o pasaron, como non, " de medo ".
E xa despois de comer no comedor os postres tan ricos que chegaron das vosas cociñas , xuntámonos todos no patio para comer as castañas e celebrar así o Magosto.
Como vedes, foron uns días cheos de emocións , sorpresas e alegría.
Moitas grazas pola vosa colaboración!
Ningún comentario:
Publicar un comentario