⭐️ RETO: COMPARTE O TEU PASEO NUNHA CONTORNA NATURAL ⭐️

Achégase o día Mundial do Mediambiente, o 5 de xuño, e para conmemoralo, e despois do tempo de confinamento pasado nos nosos fogares, queremos inundar o noso álbum de imaxes dos vosos paseos pola natureza durante este tempo de desescalada (sempre coidando as precaucións).

Aproveitade que vai bo tempo, empeza a fin de semana e non tedes tarefa, para sacar fotos en lugares que vos agraden, logo elixide as que máis vos gusten e compartídeas neste álbum: OS NOSOS PASEOS DURANTE A DESESCALADA. 

Se as vosas familias teñen redes sociais e queren participar no movemento, que suban as fotos co cancelo  #PASEONATURAL

📸 Agardamos polas vosas fotos. Seguro que descubrimos lugares cheos de maxia ⭐.

☀️🌳🌱🌹🐚🏝☀️

Un bico enorme das vosas mestras, querémosvos! ❤😘

UTILIZAMOS AS FICHAS DE LECTURA PARA COMPARTIR AS NOSAS OPINIÓNS SOBRE O QUE ESTAMOS A LER

Ola Súper lectores de terceiro!

Como lembraredes, na Biblioteca de Aula da escola, tiñamos unhas fichas de lectura que se completaban despois de rematar os vosos libros e posteriormente gardábanse nunha carpetiña para que todos e todas tiveramos acceso a súa consulta.

É un bo xeito de elixir cal será a nosa próxima lectura, xa que nos da un resumo do que imos ler e ademais leva unha puntuación para saber se gustou pouco ou moito.

Este tipo de consultas fanse moito en Internet, cando queres ver unha serie, unha película, un libro ou mesmo mercar un obxecto...nós facémolo de forma escrita, pero aínda que todos estamos na casa, poderémolo consultar, porque podedes subir as vosas fichas a este álbum de OPINIÓNS LECTORAS !

Por se algún ou algunha quere recuperar ese hábito e colaborar para ter máis información (xa sabemos que sí, porque algunha familia preguntou por ela) enviamos un modelo de ficha de lectura suxerido por Olegario.

De todos modos, podedes deixar voar a vosa imaxinación e crear a vosa ficha especial para cada lectura... Quen di que a ficha da Casiña de chocolate non podería ter forma de casa en 3D?

Sería xenial ver que sodes quen de crear! 

É unha actividade totalmente voluntaria, pero se a realizades, tedes que facelo con moi boa caligrafía, fixándovos na ortografía e de xeito creativo, para que chame moito a atención e se vexa facilmente.

A ver quen é o primeiro ou a primeira en estrear o álbum!

Bicos de Sandra e Cris ❤⭐😘

ACTIVIDADES EN DIRECTO DOS MUSEOS CIENTÍFICOS CORUÑESES

Desde os Museos Científicos fannos chegar esta mensaxe ao cole:

"Esperamos que vos atopedes ben de saúde e sigades con ánimo de fronte ao final do curso escolar.

 

Sabemos o desafío que este momento suponvos tanto a vós como ao voso alumnado, e por iso queremos estar ao voso lado. 

 

Querémosvos axudar e imos facelo desde a nosa canle de Youtube, levándovos un anaquiño dos museos á vosa casa. Así que, a partir do próximo luns 25 de maio, retransmitiremos actividades en directo .

 

Cando? De luns a venres, ás 11 horas desde a Domus e ás 12:30 horas desde o Acuario. 

 

Que? Haberá diseccións de corazón e ollo, alimentación de quenllas e focas, visita á Charca das Caricias e moito máis.

 

Como? Só vos tedes que conectar, á nosa canle de Youtube á hora que elixades. Estamos en www.youtube.com/casaciencias (http://www.youtube.com/casaciencias)."

Recomendamos que vos conectedes sempre que podades, será coma facer unha visita, pero dende a casa, (iso sí, hai actividades coma as diseccións de corazón e ollo que non están feitas para todos, se sabes que vai ferir a túa sensibilidade, non o mires).

Bicos para todos e todas.

Cris e Sandra ❤⭐

TAREFAS PARA A SEMANA DO 25 AO 29 DE MAIO

Ola Superterceiros! 

Como cada luns, aquí deixamos a programación semanal.

Desta volta hai unha novidade, cada día deixamos unha nota onde poderedes revisar se rematastes todas as tarefas usando un rotu virtual que atoparedes na esquina superior dereita, ao lado do botón que indica os elementos interactivos. Só tedes que premer sobre o rotu e se extende unha paleta de cores, elexides o que máis vos agrade e marcades cun ✔ o que teñades feito. Se errades, premedes na icona do lixo e bórrase todo.

As tarefas que aparecen son un exemplo, haberá moitos e moitas de vós que non teñen tarefa atrasada, ou non teñan tempo de facer dez máis... De todos modos,  insistimos en que cada un ten que ir ao seu ritmo, xa que as circunstancias familiares non son todas iguais.

Agardamos que sexa de axuda.

Aquí tedes un mini titorial explicativo: 

Bicos e apertas a moreas para todos e todas,

Sandra e Cris ⭐❤😘

⭐️ RETO: PALABRAS COMPOSTAS ⭐️

Estes días estades vendo as palabras compostas e propoñemos unha forma de xogar con elas.

O novo reto consiste na división dunha palabra composta en partes facendo un debuxo representativo de cada unha e identificando que tipo de palabra é (nome + nome, verbo + nome...).

Deixámosvos este exemplo, que esperamos que vos sirva de axuda e vos dea ideas!💡😉

➡️ Podedes engadir as vosas creacións a este álbum.
Recordade poñer o voso nome e clase e se queredes podedes compartir máis dunha fotografía (se facedes máis dunha palabra). 😉

Queremos dicirvos que estamos moi contentas coa vosa participación e coas obras tan especiais que elaborades.
Estades formando entre todos os 3º uns álbums impresionantes!!✌️⭐️

Parabéns polo voso traballo e implicación!!! 👏👏👏

Cris e Sandra⭐️❤️

E continuamos a ler na casa!

O Grupo Anaya  déixanos unha serie de enlaces para que podades ler gratuitamente algúns dos seus libros.

Agora que moitos rematastes o libro suxerido "Bruxa e Familia" (do que aínda podedes pedir o código se queredes), aquí tedes máis opcións:

BRUÑO:

    

ANAYA INFANTIL Y JUVENIL:

     

XERAIS:

 

De seguro que algún deles encaixará co voso gusto. Botade unha ollada a "Vaia tropa!" é un libro de poesía do absurdo, do sen sentido, e está pensado para ser lido de formas diversas. Hai poemas que terás que ler de esguello e noutros precisas usar un espello e así poder ler o verso do reflexo. Como non era cousa de poñer só letras alguén debuxou algunhas caretas. E como os debuxos están contrafeitos usarás o espello para velos con xeito. Ao final do libro convídanvos a que inventedes algún compañeiro para toda esta xente. Trátase, xa que logo, dun libro xogo. Ademais nel, aparecen caligramas, en definitiva,  é algo diferente ao que acostumades a ler.

Bicos a moreas e apertas agarimosas das vosas titoras que vos queren un mundo !❤⭐😘 

TAREFAS PARA A SEMANA DO 18 A0 22 DE MAIO

Ola a todas e todos !

Esta fin de semana fixo moi bo tempo, aproveitastes para dar un bo paseo ?

Celebrastes o Día das Letras Galegas dalgunha forma especial?

De seguro que sí, porque sodes un grupo de Superterceiros e tedes unhas ideas fantásticas.

Empezamos nova semana e aquí vos deixamos a tarefa programada.

As fichas interactivas xa nos chegan ao noso buzón, os venres achegarémolas coas respostas correctas por se vos quedan dúbidas ou para saber en que errastes.

Lembrade botar unha ollada ao blog da Biblio, que Olegario e o seu equipo sempre teñen algo que contarnos (tedes o enlace na columna da dereita).

Bicos a moreas , querémosvos un mundo ❤⭐ !

⭐️RETO: NOME EN ÁNGULOS⭐️

Ola, Superterceiros!⭐️

Estes días estades traballando os ángulos e, que mellor forma de experimentar con eles que descubrir todos os que hai no voso nome ? 
O voso nome ten ángulos agudos, rectos e obtusos. Seguro que non o pensarades antes, pero agora é o momento de que o comprobedes!

O novo reto consistirá na elaboración do voso nome en letras maiúsculas, marcando todos os ángulos rectos, agudos e obtusos que hai nel.

No álbum podedes ver os nosos nomes como exemplo. 

Esperamos que vos gusten e que vos animedes a descubrir todos os ángulos agudos, obtusos e rectos do voso nome ( facedeo en folla cuadriculada para que vos sirva de guía) 

➡️ Podedes engadir as fotos aquí 📤, poñéndolle ao arquivo só o voso curso (e especificando nome se hai dous nenos/as que teñades o mesmo nome nesa clase) para saber de quen son ou escribilo na propia folla do nome con ángulo.

Bicos das mestras ! ⭐️❤️

Os Bolechas presentan a Carvalho Calero nunha nova publicación e achegamos "As pitas baixo a choiva" con banda sonora!

En atención á situación excepcional que vivimos por mor da Covid-19 e ás especiais circunstancias en que se celebra este ano o Día das Letras Galegas, a editorial Bolanda, coa colaboración da Secretaría Xeral de Política Lingüística, pon a disposición dos máis pequenos da casa, un novo volume da colección Os Bolechas: As miñas primeiras Letras Galegas dedicado a Ricardo Carvalho Calero.

Para lelo, preme na imaxe da portada:

Tamén pensamos que vos agradaría ler a historia completa de "As pitas baixo a choiva" e por que non, acompañar a lectura dunha banda sonora axeitada ( todo isto froito do Proxecto da CNLCA de Ferrolterra e Edicións Embora – Carvalho Calero 2020 e grazas a Edicións Embora).

Premede na portada para ir ao libro e no símbolo ▶ para escoitar a música.

Bicos e apertas a moreas das vosas mestras ! 💟⭐

TAREFAS PARA A SEMANA DO 11 AO 15 DE MAIO

Ola de novo! Aquí estamos de volta , cheas de enerxía .

Estades preparados para esta semana? Ven cargada de novas instrucións que nos indican que queda menos para vernos , que ganiñas xa! 😍

Non enredamos máis, esta é a programación de tarefas para a semana .

Bicos das vosas mestras, querémosvos! Seguide a coidarvos moito 💙

LETRAS GALEGAS 2020

Bos días, superterceiros!
Como xa sabedes, o 17 de maio, celébrase o Días Letras Galegas. 🎉🎉
Este ano o autor homenaxeado é Ricardo Carvalho Calero.

Neste vídeo podedes descubrir os feitos máis destacados da súa vida e obra:

A continuación tedes un resumo da súa vida (que se chama biografía) e unhas actividades para comprobar todo o que aprendestes de Ricardo Carvalho Calero.
✏️ Na sopa de letras fixádevos que deberes arrastrar as palabras (que están no lado dereito) á primeira letra desa palabra. https://es.liveworksheets.com/c?a=s&s=Lingua%20Galega&t=4fnrncf7ns&l=rg&i=txfoxx&r=co

Un aperta enorme das vosas titoras! ❤️

⭐️RETO: CALIGRAMA⭐️

Empezamos nova aventura! Toca volver a debuxar pero esta vez... con versos!!

O novo reto consistirá na elaboración dun caligrama en Lingua Galega. Pero... sabedes o que é un caligrama? Trátase dun poema no que as súas palabras forman unha figura ou un debuxo sobre o que trata o poema.

A continuación podedes ver dous exemplos:

 

Estamos desexando descubrir os vosos caligramas!!! As mestras xa estamos pensa que pensa a ver que se nos ocorre, porque nós tamén participamos. 😉

➡️ Podedes engadir as fotos aquí, poñéndolle ao arquivo o voso nome e curso para saber de quen son ou escribilo na propia folla do caligrama : ÁLBUM CALIGRAMAS  

As titoras de 3º ⭐️😊

TAREFAS PARA A SEMANA DO 5 AO 8 DE MAIO

Ola de novo, nenos e nenas!
Agardamos que estes días de descanso serviran para animarvos un pouco e recargar as baterías. 

Agora xa podemos ir saíndo un pouquiño da casa, cada vez falta menos para estar xuntos de novo! 💖

Aquí vos queda a programación semanal, esta vez cun deseño diferente, xa nos contaredes cal vos gusta máis ou vos parece mellor organizado.

Bicos e apertas virtuais a moreas das vosas mestras, 

Sandra e Cris.

Certame de Arte organizado polo Museo de Belas Artes

Ola familias, achegamos información acerca do certame  organizado polo Museo de Belas Artes da Coruña: 

ANIMATE E PARTICIPA co Museo Belas Artes da Coruña! #Museonacasa #Artencasa

CONDICIÓNS :
1. Selecciona unha das nove obras que o museo propón.
2. Crea e interpreta a obra cos  materiais ou técnicas que elixas dando a túa propia versión .
3. Envíanola cos teus datos ó correo : mu.belas.artes.difusión@xunta.gal

O prazo remata o 15 de maio . (Apto para todas as edades ) 
Anunciaremos as obras seleccionadas  o día 18 de maio , Día Internacional dos Museos e subiranse a web oficial do Museo Belas Artes da Coruña .

Subiremos algunhas das obras preseleccionadas para que podiades votar as que mais vos gusten !

Moitas grazas e non esquezas etiquetarnos nas túas creacións.

ANIMATE E PARTICIPA !!
#MuseoBelasArtesdaCoruña #Museonacasa #Artenacasa #Aculturasegue